الفنانه ايمي سمير غانم تحتفل بعيد زواجها للنجم حسن الرداد
عادل محمود
احتفلت الفنانة إيمي سمير غانم بعيد زواجها التاسع للنجم حسن الرداد وشاركت متابعيها بصور مبهجة تجمعهم من مناسبات مختلفة مع شقيقتها دنيا بالإضافة لوالديها الراحلين دلال عبدالعزيز وسمير غانم وحماتها الراحلة فادية
.
إيمي هنت حسن بتعليق كتبت فيه: كل عيد جواز وانت طيب يا اطيب و الذ و احن اب و اجدع زوج ، انا منغيرك هكون في الكنافه، ربنا يطول في عمرك و يخليك لينا، وتلقى الزوجان تهاني أصدقائهم ومحبيهم متمنيين لهم دوام الحب والسعادة.
قصة حب إيمي وحسن عملت جدل كبير لفترة، ف الاتنين شكلوا ثنائي فني قوي على الشاشة، وفجأة انتشر كلام عن وجود علاقة عاطفية بتجمع النجمين، ولفترة طويل رفض الاتنين يأكدو أو حتى ينفوا لحد ما فاجئوا الكل واحتفلوا بزفافهم 2016 بحضور المشاهير
حسن كشف كواليس قصة حبه لإيمي وقال إن في 3 صدف جمعتهم، متكلموش خلالها إلا أنه حس أن في حاجة هاتجمعه بالبنت دي، الأولى لما قابلها في وسط البلد، شافها من بعيد وكل واحد راح لحاله، التانية كان داخل مسرح وهي خارجة منه، والتالتة كان داخل المعهد عنده محاضرات وهي كانت بتصور مسلسل.
سنة 2009 كان بيصور مسلسل ابن الأرندلي وايللي جسدت فيه دلال عبدالعزيز دور والدته، فجأة رحلت والدة دلال، وفي العزا قابل إيمي ودنيا لأول مرة، وعلى طول ضرب صوحبية مع إيمي وحبة حبة اتطورت مشاعرهم واتأكدوا انه يستحيل ميكونوش في حياة بعض، وانجبت إيمي لحسن فادي وفادية
