احذروا من المكان الغلط والناس الغلط
ثق تماما أن اكتر شئ يقتل روحك كأنسان هو وجودك في مكان غلط
مكان مش مناسب ليك ،
و مش بيقدر إمكانياتك أو يساعدك علي تحقيق طموحاتك
مكان تشعر فيه انك محاصر ،
افكارك سجينه جوة دماغك ،
تتصدم ب روتين او بيروقراطية تقتل الابداع جواك ،
مكان يحولك من انسان نشيط مختلف عنده أفكار خلاقة ، متطور ، متحمس ، لمجرد نسخه من نسخ كتير موجودة شبه بعض زي التماثيل
ومجرد أصنام متحركة ،،،،،
أو تحس فيه انك انسان ألي مبرمج علي أداء مهام معينة في توقيتات معينة …
اصبحت فيه مجرد جسم متحرك من غير روح تشعر أو عقل يفكر
وكمان الأشخاص الغلط …….
اللي مش بتفهمك ومش بتحس بيك ولا بتدعمك
ولا بتقدر مشاعرك أو تديك قوة وتقف في ضهرك وتشجعك انك تطور من نفسك
وبتديلك طول الوقت طاقة سلبية ،
وتتحسك انك أقل من انك تقنعهم بيك مهما عملت عشانهم مش بتقدر تضحياتك ولا بتحس بعطاءك.
ناس مش بتغير أفكارها السلبية نفس الأخطاء ونفس الأسلوب
وتلاقي نفسك بتحرق معاهم وقت ومشاعر وصحة وطاقة .
ناس بتخليك وانت بتتعامل معاهم مش علي طبيعتك .
محتاج تفكر في الكلام قبل ماتقوله والا هاتلاقي نفسك طول الوقت بتبرر تصرفاتك ….
تحس انك بتنهج وبتبذل مجهود فوق طاقتك في التعامل معاهم وهما عمرهم مابذلوا مجهود عشانك .
اجري
اجري
اجري من المكان اللي شبة السجن اللي بتتحبس فيه روحك وافكارك وتلاقي نفسك مجرد شخص فاضي من جواك …………
اجري
اجري
من الناس اللي مش شبهك ومش لونك ومش عارفه تفهمك ولا عايزة تفهك واللي وجودهم عمره ماكان إضافة ليك . ناس أنانية تاخد بس مش عايزة تديك
بالعكس طول الوقت بتحرق نفسك عشان تراضيهم ومش بيرضو ولا هايحسو بيك حتي لو اديتهم عنيك أو مت ادامهم .
اجري من كل شئ تحس أنه عبئ
الحياة اقصر من أننا نضيعها في المكان الغلط أو مع الناس الغلط
الكاتبة
دكتورة لبني يونس
