نظرة علي الحدث
هل تهدد امريكا السيسي بمصير السادات والرئيس الإيراني
تعالي نشوف ايه اللي حصل
ناس كتير بتتكلم عن خبر جيروزاليم بوست، اللي كان بينقل تصريحات الرئيس السيسي في المؤتمر الصحفي عن التهجير، وتضمن صورة للرئيس مع الرئيس الإيراني الراحل إبراهيم رئيسي، واللي شكلها كده تهديد مبطن..
رد الرئيس السيسي نفسه على الموضوع ده..
ايه ده هو رد ؟
نعم رد …..
اه والله.. تخيل انه رد قبل ما يحصل أصلا، وفي التصريحات اللي نقلتها الصحيفة الهبلة دي!
في المؤتمر الصحفي، الرئيس السيسي قال جملة ترد على كل الأفكار اللي من النوع ده، واللي واضح انه كان متوقع إنها هتظهر الفترة الجاية: “المنطقة فيها أمة لها موقف في هذا الأمر، أنا موجود في مكاني أو مشيت منه.. في أمة لها موقف”..
الرئيس السيسي بيقول بوضوح إن الحكاية مش متوقفة عليه، ده نهج لا يملك حد انه يحيد عنه..
وأنا بردو مش هتكلم عن قدرات الدولة المصرية في تأمين شعبها ورئيسها، لإن الجميع عارف ده كويس، لكن هقول للي فكر في التهديد العبيط ده، تعالى نمشي مع خيالك المريض،
هو انت متصور لو حاجة زي دي حصلت، إن المصريين هيخرجوا في الشوارع يرفضوا التهجير؟
لأ يافندم
الناس هتخرج في الشوارع عشان تطالب كل مؤسسات الدولة بإلغاء أي ورقة ليها علاقة بكامب ديفيد واتفاقية السلام، ومفيش حد هيقعد في مكانه مهما كان التمن
ولن يكون هناك مواطن إسرائ يلى فى مأمن
لا داخل اسرائ يل ولا خارجها حتى
وده حلم المصريين بالمناسبة ان كامب ديفيد تتلغى
واوكد علي تضامني مع كل القرارات التي تتخذها الدوله ودعمي الكامل لمؤسسات الدوله المصريه.وقيادتها
رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُمْ بِاللَّهِ وَالْيَوْمِ الآخِرِ
نظرة علي الحدث
دكتورة لبني يونس
