مهزلة حقيقية من جشع سواقين السوزوكي ببنها
متابعه وائل جمال
بقينا في بنها بنشوف مهزلة حقيقية من جشع سواقين السوزوكي، بيقطعوا الخط ويقسموه عشان ياخدوا أجرة مضاعفة!
هي بنها دي كلها أد إيه أصلاً؟ والأغرب إن السوزوكي مالوش خط سير رسمي أصلاً، فإزاي بتحددوا خطوط سير لنفسكم؟ إذا كان كده بقا يبقى يتعمل لكم سرفيس رسمي وتدفعوا خدمة مقابل شغلكم جوه بنها طالما فاكرين نفسكم هتشغلوا مخكم على الركاب!
لازم يبقى فيه رادع للمهزلة دي، يا إما المحافظة توفر البديل وتنزل باصات نقل عام منظمة، وتمنع الملاكي من الشغل كأجرة نهائي. مش معقول الناس واقفة في الشوارع والسواقين بيتاجروا بيهم!
المشهد بقى مستفز لما السواقين بيشغلوا الخط من الكوبري للإشارة أو النجدة، ويرفضوا يكملوا للأهرام إلا بأجرة جديدة رغم إنها نفس العربية ونفس السواق! قمة المهزلة وقلة الذوق!
#بنها
