قصيدة حب
بقلم أ/صبرين محمد الحاوي/مصر
قصيدة حب مكتوبة
بحبر قديمة ومنسية
وفي الشباك
مرمية
وكان عنوانها رومنسية
ولما حاولت اقرأها عليها
تراب ملي ايديا
وعنوانها اللي كان مكتوب
رومنسية
وقصة حب بين اتنين وفيه
قسية وحزن ودمع كان
في العين
سقي الورقة
وجفت بعد ماسقاها
ودمع العين جه في الاحبار
وقال الحب
فيه اسرار وتعيش الجنة
جوه النار
الجنة هي سعادتك بيه
وناره عذابه بعد
الفراق
مابين اتنين كانم
أحباب
تعيش لحظتها في استغراب
كأنه ذنوب بكشف حساب
وجنة الحب ليها
بواب
وجاب اقفال وقفل
الباب
وقالك روح ماحناش احباب
ياشاطر
الحب أصله
سراب بيلعب بيك وله
أسباب
عشان صدقته وامنتله
ولما نداك قوام
رحتله
بكل برأة كدا قلتله ياهلا بيك
ماكدبتوش
وفي اخر القصة كان
مكتوب
قدرك فراق
بعد الاشواق ضياع العمر
قصة حب
قصيدة حب تروي
دموع تقول القلب عاش
مخدوع
في وهم كبير كان اسمه
الحب وهو
سراب وفيه بواب
وجاب اقفال وقفل
الباب
وكان الحب أصله
سراب
ياريتني ياريت ماكنت
قريت ولا التراب ملي
ايديا في قصيدة
حب منسية وفي الشباك
مرمية
بقلم أ/ صبرين محمد الحاوي/مصر
