سامح حسين صاحب الترند :
أه سامح حسين الفنان اللي بقى ترند اليومين دول ، أكيد كله متابع، الحدث الجلل والعظة والعبرة، أه العظة والعبرة زي ما بقول لكم كدا ، لما تسمع الفنان الجميل وهو في برنامج الدكتور عمرو الليثي وهو بيحكي عن حياته وأد ايه تعب وازاي اتربى ، واد ايه في كلامه انسان محتسب وصابر وراضي، على طول لازم تفهم أن الحياة مش تصارع وتناحر ومحاولات مشتتة وسلب حق غيرك وتسنده لنفسك، وكل ده عشان عايز توصل وتاخد الكرسي اللي نفسك فيه وتركب على حساب غيرك، وتدفع رشاوي وتبرعات مزيفة .
تعالى اقولك الموضوع مش كدا خالص ولا انت بتوصل بشطارتك وذكاءك ولا الكلام ده ، لازم تعرف وتكون مؤمن من جواك مهما تعددت الأسباب فلا أمر بيكون إلا بمسبب الأسباب، وده ذكرني بالآية الكريمة (وليخش الذين لو تركو من خلفهم ذرية ضعافا خافوا عليهم فليتقوا الله وليقولوا قولا سديدا) صدق الله العظيم.
عايز تتأمل وتتأكد أكثر من الكلام ده شوف اللي بيعمله فنان اخر من توزيع لأموال الكلام عنه عامل ازاي ، وقارن بينه وبين سامح حسين اللي بقى نجم الإنسانية والأخلاق واتكرم من رئيس الجمهورية، اه اتكرم والكل أشاد بعمله ورحب بفكرة البرنامج “قطايف” ، صحيح من يتقى ويصبر بسم الله الرحمن الرحيم ” قَالُوا أَءنَكَ لَأَنتَ يُوسُفُ قَالَ أَنَا يُوسُفُ وَهَذَا أَخِي قَدْ مَنَ اللَّهُ عَلَيْنَا إِنَّهُ مَن يَتَّقِ وَيَصْبَرٍ فَإِنَّ اللَّهَ لَا يُضِيعُ أَجْرَ الْمُحْسِنِينَ” صدق الله العظيم.
متقولش إمكانيات ومعاه مال وانا معنديش راجع وركز وأتأمل قصة الفنان صاحب الترند وانت تعرف أد ايه عظمة الله عليه.
تحياتي بقلم الدكتور محمد عويان المحامي بالنقض.
