اجتماع عاجل و3 قرارات..الأهلي يبدأ تصحيح المسار بعد صدمة كأس مصر
إدارة النادي الأهلي استقرت على التحرك السريع بعد الخروج الصادم من دور الـ32 لبطولة كأس مصر قدام المصرية للاتصالات، في نتيجة اعتبرها الكل واحدة من أكبر مفاجآت الموسم، ومش مقبولة نهائيًا بحجم واسم النادي.
الخسارة فتحت النار جوه النادي، والرسالة وصلت إن مفيش وقت للسكوت أو المجاملة، خصوصًا مع غضب جماهيري كبير وضغط متزايد على الجهاز الفني واللاعبين.
اجتماع طارئ مع توروب مصادر مؤكدة كشفت إن لجنة التخطيط في الأهلي قررت عقد اجتماع طارئ مع المدير الفني ييس توروب، لمناقشة أسباب السقوط المفاجئ، وتحديد شكل المرحلة الجاية، بعيدًا عن أي ردود فعل عاطفية، لكن بقرارات واضحة وحاسمة.
الاجتماع هيكون مفصلي، وهيتحسم فيه ملفات مهمة جدًا تمس مستقبل الفريق في الموسم الحالي.
قائمة الراحلين الإدارة استقرت على رحيل عدد من اللاعبين اللي فشلوا في إثبات نفسهم، ومكانهمش على قد اسم الأهلي ولا طموحات جماهيره. الخروج هيكون يا إما بيع نهائي أو إعارة خلال انتقالات يناير، من غير تردد أو تأجيل.
الفكرة واضحة: مفيش حد أكبر من الكيان، واللي مش قادر يشيل المسؤولية هيمشي.
الصفقات الجديدة في نفس الوقت، الإدارة ناوية تضغط بقوة لحسم صفقات الشتاء بشكل عاجل، وتدعيم المراكز اللي كشفت مباراة الكأس عن ضعفها الواضح، خصوصًا في الخط الخلفي والهجوم، علشان الفريق يقدر يكمل الموسم بشكل يليق بالأهلي.
المرحلة الجاية مش مرحلة تجارب مرحلة قرارات مصيرية
