سمبوسة بالجبنة المطاطية في البيت.. طعم يفرّح ولادك من غير لحمة مفرومة
كتبت منى توفيق
لو معندكيش لحمة مفرومة وعايزة تعملي حاجة خفيفة ولذيذة تفرّح ولادك، متقلقيش. تقدري تعملي سمبوسة بالجبنة المطاطية بطعم تحفة ومن غير تكلفة كبيرة، وهتطلع معاكي مقرمشة من بره وطرية ومليانة جبنة سايحة من جوه.
السمبوسة من الأكلات اللي بنحبها كلنا، وميزة الوصفة دي إنها بسيطة جدًا ومش محتاجة مكونات كتير، وكمان مناسبة لأي وقت سواء عشا خفيف أو جنب أكلة أساسية.
المكونات:
رقائق سمبوسة جاهزة
كوب جبنة موزاريلا مبشورة
نص كوب جبنة رومي أو شيدر مبشورة
رشة فلفل أسود
شوية بقدونس مفروم أو زعتر (اختياري)
معلقة دقيق مع شوية مية لقفل السمبوسة
زيت للقلي
الطريقة:
في طبق حطي الموزاريلا مع الجبنة الرومي أو الشيدر وقلبيهم مع بعض، وضيفي رشة الفلفل الأسود ولو حابة ضيفي بقدونس أو زعتر علشان يدّي طعم أحلى.
هاتِي ورقة السمبوسة، حطي معلقة من الحشوة على الطرف ولفّيها مثلثات لحد ما تخلص، واقفلي الطرف بخليط الدقيق والمية علشان متفتحش في الزيت.
سخني الزيت كويس على نار متوسطة، وانزلي السمبوسة فيه لحد ما تاخد لون دهبي جميل وتبقى مقرمشة. ولو مش حابة القلي، تقدري تدخليها الفرن على 180 درجة لحد ما تتحمر.
قدميها وهي سخنة، وهتشوفي الجبنة وهي بتمط كده وتفرّح العيال قبل الكبار. وصفة سهلة وسريعة وهتوفر معاكي، وفي نفس الوقت هتعملي حاجة حلوة تلمّ الأسرة حوالين السفرة.
جربيها مرة، وهتبقى من الوصفات الأساسية عندك كل ما تحبي تعملي حاجة سريعة ول
